"Tottenxem" bosh murabbiyi Tomas Frank UEFA Superkubogi doirasida "PSJ"ga qarshi o‘tkazilgan o‘yindan so‘ng o‘z fikrlari bilan o‘rtoqlashdi. Bu haqida Euro-football.ru xabar berdi.
Uchrashuv asosiy vaqtda durang natija bilan yakunlandi — 2:2. "Tottenxem" jamoasi 85-daqiqagacha 2:0 hisobida oldinda borayotgan edi, biroq so‘nggi daqiqalarda raqib ikki gol urib, hisobni tenglashtirdi.
Penaltilar seriyasida esa "PSJ" ustun kelib, g‘alabani qo‘lga kiritdi va sovrinni yutdi. Tomas Frank o‘yindan so‘ng shunday dedi: Biz dunyoning eng kuchli jamoalaridan biriga qarshi juda yaxshi o‘yin ko‘rsatdik.
O‘yin davomida 80 daqiqadan ko‘proq vaqt hammasi biz istaganidek kechdi. Ammo birinchi golni o‘tkazib yuborgach, vaziyat o‘zgardi.
Futbolchilar, klub va muxlislar uchun faxrlanishga asos bor. Penaltilar seriyasida esa natija har qanday bo‘lishi mumkin.
Ushbu o‘yin Tomas Frank uchun "Tottenxem" bosh murabbiyi sifatida ilk rasmiy uchrashuv bo‘ldi. U bunga qadar "Brentford" jamoasida ishlagan.
