PSJ jamoasi sardori Markinyos UEFA Superkubogi g‘alabasi uchun berilgan medalini jamoaning yangi a’zosi, ukrainalik himoyachi Ilya Zabarniyga topshirdi. Bu haqida Euro-football.ru xabar berdi.
Uchrashuv translyatsiyasi davomida braziliyalik futbolchi o‘zining mukofotini olib, uni Zabarniyga bergani aks etgan lavhalar namoyish etildi. Ma’lumot uchun, ukrainalik futbolchi Ilya Zabarniy yaqinda Parij klubi bilan shartnoma imzolaganligi sababli, “Tottenxem”ga qarshi o‘yinda asosiy tarkibga kiritilmadi.
Shunga qaramay, u final hushtagi yangraganidan so‘ng, jamoadoshlari bilan birga maydonga chiqib, g‘alabani nishonladi. Internetda Zabarniyning sovrin bilan suratga tushgan fotosurati ham tarqaldi.
Unda u Matvey Safonov yonida turgani ko‘rinadi. Eslatib o‘tamiz, PSJ jamoasi “Tottenxem”ga qarshi bahsda so‘nggi besh daqiqa ichida 0:2 hisobida ortda borayotgan edi.
Biroq, parijliklar hisobni tenglashtirishga muvaffaq bo‘lishdi va penaltilar seriyasida g‘alaba qozonishdi. Matvey Safonov ushbu uchrashuvda zaxira o‘rindig‘ida o‘tirgan.
