PSJ jamoasining 20 yoshli qanot hujumchisi Dezire Dúe «Barselona» klubiga o'tishi mumkin. Bu haqida Euro-football.ru xabar berdi.
Indykaila News nashrining xabariga ko‘ra, bir necha oy ichida «Barselona» yangi loyiha boshlaydi va Dúe sotib olishga harakat qiladi. Klub rahbarlari Yevropa futbolida yana ustunlikka erishishni maqsad qilgan bo‘lib, Dúe va Jamal juftligi bu maqsadga erishishda yordam berishiga ishonishadi.
O‘tgan mavsumda Dúe barcha turnirlarda jami 61 o‘yin o‘tkazib, 16 ta gol urgan va 16 ta samarali uzatma amalga oshirgan. Futbolchining PSJ bilan shartnomasi 2029 yilgacha mo‘ljallangan.
Transfermarkt mutaxassislari uning bozor qiymatini 90 million yevroga baholashmoqda. «Barselona» jamoasi kelajakda kuchli o‘yinchilarni jalb etish orqali o‘z mavqeini mustahkamlashni maqsad qilgan.
