Shveytsariyaning «Syon» jamoasi yarim himoyachisi Anton Miranchuk Rossiya chempionatidan klubga qaytishga yaqin turibdi. Bu haqida Euro-football.ru xabar berdi.
«Yevro-Futbol.Ru» tarmoq nashrining xabar berishicha, rossiyalik futbolchi yaqin kunlarda Moskva «Dinamo» jamoasiga qo‘shilishi kutilmoqda. Hozirda «oq-ko‘k» jamoa «Syon» bilan moliyaviy masalalar bo‘yicha oxirgi kelishuvlarni muhokama qilmoqda.
29 yoshli futbolchi bilan shaxsiy kelishuv allaqachon tasdiqlangan. Oldinroq «Syon» prezidenti Kristian Konstantin futbolchi shartnoma bo‘yicha muzokaralar sabab maydonga tushmayotganini ma’lum qilgan, ammo kim bilan muzokaralar olib borilayotgani haqida ma’lumot bermagan.
Miranchuk 2024 yildan buyon «Syon» jamoasi sharafini himoya qilmoqda. Shu vaqt ichida u 25 o‘yinda maydonga tushib, 2 ta gol urgan va 3 ta samarali uzatma qilgan.
Uning bozor qiymati taxminan 2,5 million yevroga teng.
