Feliks Sanches: "Paxtakor" hozirgi kunda oʻziga xos boʻlmagan natijalar qayd etmoqda"

Elit OChL 8-turidan oʻrin olgan "Paxtakor" - "Al Sadd" mehmonlar bosh murabbiyi Feliks Sanches va futbolchi Abdusamad Bunasser oʻyindan oldingi matbuot anjumanida ishtirok etishdi.

- Soʻnggi turni oʻtkazish uchun bu erga etib keldik. Pley-off masalasini oldindan hal etib qoʻyganmiz. Bunday bahslar futbolchilar oʻzini namoyish etishlari va koʻproq oʻyin amaliyotiga boʻlishlari uchun ajoyib imkoniyat. Ob-havoga koʻnikib ketish uchun bizga biroz vaqt kerak boʻladi. "Paxtakor" hozirgi kunda oʻziga xos boʻlmagan natijalarni qayd etmoqda, lekin shunga qaramay jamoa yaxshi himoyalanmoqda va oʻz darvozasidan juda kam gol oʻtkazib yuborgan. Shu sababli raqibimiz ertaga gʻalaba qozonishga harakat qiladi. Biz bunga tayyormiz va ertaga yaxshi natija qayd etishga intilamiz.

Abdusamad Bunasser

- "Paxtakor"ga ertaga gʻalaba kerak. Ertaga qiyin oʻyin boʻladi. Biz esa keyingi bosqichga chiqib boʻlganmiz.

- Janob bosh murabbiy, siz hozirgina "Paxtakor"ning tartibli himoya chizigʻi haqida gapirib oʻtdingiz. Shuningdek, "Paxtakor" Elit OChLda eng kam urgan jamoa hisoblanadi, ertangi raqibingiz 7ta uchrashuvda bor-yoʻgʻi ikki marotaba raqib darvozasiga yoʻl topa olgan. Raqib jamoaning hujum chizigʻi kuchsiz emasmi? Bu jihat sizlarga qanchalik qoʻl kelishi mumkin?

- Mening fikrimcha, OChL mintaqamizdagi eng qiyin musobaqalardan biri. Bunday oʻyinlarda koʻp vaziyatlar yaratilmasligi mumkin. Har bir raqibni magʻlub etish qiyin. Biz ertaga oʻz oʻyinimizni namoyish etishga qilamiz. Bilamizki, "Paxtakor" jamoasi yaqinda yangi bosh murabbiyga ega boʻldi. Yangi mutaxassis esa jamoani yangilamoqda. "Paxtakor"ga qarshi oʻynayotganimiz bizga foydali boʻladi, bunday musobaqalarda raqibni tanlay olmaysiz. Qaysi raqib bilan duch kelsangiz, uning oʻyin uslubidan kelib chiqib unga qarshilik koʻrsatish kerak boʻladi.

- "Paxtakor" yangi bosh murabbiy bilan ishlayotganini aytib oʻtdingiz. Shuningdek, jamoa oʻz safiga 6-7 nafar yangi futbolchini qoʻshib oldi. Hozirgi kungacha bor-yoʻgʻi bir dona rasmiy uchrashuvda ishtirok etgan "Paxtakor"ni oʻrganib chiqish qanchalik qiyin boʻldi? Bunday yangi jamoaga qarshi oʻynash qanchalik qiyin boʻlishi mumkin?

- Raqibni tahlil qilish tayyorgarlikning bir qismi. "Paxtakor"ni oʻrganishimiz biroz boshqacha boʻldi. Siz aytganingizdek, jamoa bir nechta yangi oʻyinchilarni xarid qilgan. Yangi tarkib va yangi bosh murabbiyga biroz vaqt kerak. Raqib qanday holatda ekanligidan xabardormiz. Eng muhimi biz oʻz oʻyinimizga e'tibor qaratishimiz kerak va koʻproq oʻz oʻyinimiz sifatini yaxshilashimiz kerak. Qatar chempionatida ham bunday holatlar tez-tez uchrab turadi. Koʻpgina holatlarda bunday "yangi" jamoalarga qarshi oʻynashga majbur boʻlganmiz.

Manba: championat.asia