Gvardiola: Abduqodir Husanov qaysi jihatini rivojlantirishi kerak?

“Manchester Siti” bosh murabbiyi Xosep Gvardiola “Nyukasl”ga qarshi bahsda toʻliq harakat qilgan oʻzbekistonlik himoyachi Abduqodir Husanov haqida fikr bildirdi.

“Husanovga “Chelsi” klubiga qarshi oʻynash oson boʻlmadi. Ammo u kelajakda buyuk futbolchiga aylanishi mumkin. Bu — uning uchun, biz uchun ham juda yaxshi holat. Uning potentsiali koʻrinib turibdi.

Abduqodir Husanov birga-bir vaziyatlarda agressiv oʻynaydi, toʻp bilan yaxshi muomala qiladi va juda yuqori tezlikka ega. U qaror qabul qilish koʻnikmasini rivojlantirishi zarur. Bu endi yosh bilan bogʻliq masala.

Jamoaga tez moslashdi. U maydon tashqarisida tortinchoq, koʻp gapirmaydi”, deydi ispaniyalik murabbiy matbuot anjumanida.

Ma'lumot uchun, “shaharliklar” “Nyukasl” ustidan 4:0 hisobida gʻalaba qozonib, oʻz ochkolari sonini 44 taga etkazib oldi. Hozirda “Manchester Siti” APL turnir jadvalida 4-oʻrinda bormoqda.

Gvardiola shogirdlari navbatdagi uchrashuvni “Real”ga qarshi oʻtkazadi. Ushbu jamoalar oʻrtasidagi dastlabki uchrashuv “qirollik klubi”ning (3:2) gʻalabasi bilan yakunlangan.