O‘zbekiston milliy terma jamoasi va Eronning «Persepolis» klubi vingeri Oston O‘runovning jamoasini tark etishi haqida xabarlar paydo bo‘lmoqda. Eronning bir qator ommaviy axborot vositalari, xususan, «parsfootball», «tarafdori» va «vista iran» nashrlari O‘runovning sotilishi ehtimoli borligini ma’lum qildi.
Nashrlarning ma’lumotiga ko‘ra, jamoaning bosh murabbiyi Ismoil Kartal o‘zbekistonlik legionerga ko‘p ishonch bildirmayapti. Shuningdek, klub rahbariyati ham futbolchini sotib yuborish imkoniyatlarini ko‘rib chiqmoqda. Lekin yakuniy qaror Turkiyada o‘tadigan mavsumoldi yig‘in paytida aniq bo‘ladi.
«Persepolis»ga o‘tgan mavsumning ikkinchi yarmida kelib qo‘shilgan O‘runov, jamoaning Eron Pro-ligasi chempionligini qo‘lga kiritishida muhim rol o‘ynagan edi. Biroq keyinchalik futbolchi o‘zining yuqori formasini ushlab qola olmadi.
O‘runov mavsum boshida O‘zbekiston terma jamoasi bilan Olimpiya saralash o‘yinlarida va FIFAning boshqa turnirlarida faol ishtirok etdi. Bu esa futbolchiga katta bosim o‘tkazib, uning jarohatlarini og‘irlashtirib yubordi. Natijada u ko‘plab muhim o‘yinlarni o‘tkazib yubordi va mutaxassislarning fikriga ko‘ra, jamoaning umumiy natijalariga salbiy ta’sir qildi.
Bosh murabbiy Ismoil Kartal esa kelgusi mavsum uchun O‘runovdan ortiqcha natija kutayotgani yo‘q va o‘z tarkibini yana ikki yangi va sifatli vinger bilan kuchaytirishni rejalashtirgan. Shuning uchun ham Turkiyada bo‘lib o‘tadigan 24 kunlik yig‘in futbolchi uchun hal qiluvchi ahamiyat kasb etadi. Agar O‘runov ushbu tayyorgarlik paytida yana jarohat olsa, jamoa uni keyingi mavsum uchun rejalaridan chiqarishi ehtimoli yuqori.
Eslatib o‘tamiz, Oston O‘runov 2024/25 yilgi Eron chempionatida 18 ta uchrashuvda maydonga tushib, o‘z hisobiga ikkita gol va bir golli uzatma yozdirib qo‘ygan.
O‘xshash yangiliklar
Italiya: favoritlar uchun asabbuzarlik taqdim etgan tur ( video)
Shanba oqshomida Italiya futbolida ro‘y bergan asosiy voqealar, o‘yinlardagi gollar va turnir jadvalidagi vaziyat haqidagi ma’lumotlarni ushbu maqolani o‘qish orqali bilib oling. «Lechche» – «Milan»
Oston O‘runovni Yevropadagi mashhur klub sotib olmoqchi bo‘lyapti
O‘zbekiston milliy terma jamoasi hujumkor futbolchisi Oston O‘runov yana Yevropa ligalaridan biriga yo‘l olishi mumkin. Ma’lumki, iste’dodli o‘yinchimiz 2020 yili Rossiya Premer-ligasida “Ufa”,
Oston O‘runov jarohat oldi: fors nashri o‘zbek futbolchisiga keskin tanqid bilan chiqdi
Eron chempionatining 2024/25 yilgi mavsumi yakuniga bor-yo‘g‘i 3 tur qolgan bir paytda, chempionlik uchun keskin raqobat davom etmoqda. 27-tur yakuniga ko‘ra, amaldagi chempion
Sarviqomat boʻlishning siz bilmagan 5 ta siri (diyetologlar buni aytmaydi)
Sogʻlom ovqatlanish va toʻgʻri parhez tutish asoslarini oʻrganuvchi diyetologiya ortiqcha vazn bilan kurashishning koʻplab usullari haqida ma'lumot beradi. Tavsiyalar orasida faol turmush
Eron Pro ligasi. Oston O‘runov 90+1 daqiqada gol urib, jamoasiga g‘alaba taqdim etdi
Eron Pro ligasi 29-tur doirasidagi markaziy to‘qnashuvda «Persepolis» mehmonda «Xeybar Xurramobod» jamoasini dramatik tarzda mag‘lub etdi. Uchrashuvning markazida esa o‘zbekistonlik futbolchi Oston
