Rimning «Latsio» klubi himoyachi Romano Floriani Mussolinig qayta sotib olish huquqini faollashtirdi va 22 yoshli futbolchini «Yuve Stabiya» klubidagi ijaradan so‘ng o‘z safiga qaytardi. Bu haqida Euro-football.ru xabar berdi.
Bu haqda klub matbuot xizmati ma’lumot berdi.
O‘tgan mavsumda Serie B ligasida Mussolini 37 ta o‘yinda maydonga tushdi, bitta gol urdi va to‘rtta samarali uzatmani amalga oshirdi. Shunday qilib, u klubning mudofaa chizig‘idagi asosiy o‘yinchilardan biriga aylandi.
Uning ishonchli o‘yini «Yuve Stabiya» tomonidan sotib olish huquqidan foydalanishga sabab bo‘ldi, biroq «Latsio» shartnomada belgilangan qayta sotib olish variantidan tezkor foydalanib, futbolchini o‘ziga qaytarib oldi.
Mussolini «Latsio» akademiyasida yetishib chiqqan va do‘stlik uchrashuvlarida asosiy jamoa safida ham maydonga tushgan.
Endi u 2025/26 yilgi mavsumda Rim klubining asosiy tarkibida joy olish uchun imkoniyatga ega.
Futbolchi o‘zining tarixiy ildizlari bilan ham mashhur, u italiyalik diktator Benito Mussolining nevarasidir. Benito Mussolini 1922 yildan 1943 yilgacha Italiyani boshqargan shaxs hisoblanadi.
