Polshalik darvozabon Voytsekh Shchesni «Barselona» klubi bilan shartnomasini ikki yilga uzaytirdi. Bu haqida Euro-football.ru xabar berdi.
Yangi kelishuv 2027-yil yoziga qadar amal qiladi. Bu haqda klubning matbuot xizmati ma’lum qildi.
Eslatib o‘tamiz, Shchesni o‘tgan yilning oktabr oyida «Barselona» safiga qo‘shilgan edi. U asosiy darvozabon Mark-Andre ter Shtegen jarohat olgani sababli uning o‘rnini bosish uchun taklif qilindi.
Ter Shtegen mavsum oxirigacha maydondan chetlatilgan. Shchesnining yoshi 35da.
O‘tgan mavsumda u «Barselona» safida 30 o‘yinda maydonga tushdi va shulardan 14 tasida darvozasini daxlsiz saqladi. Mavsum yakunida «Barselona» Shchesni bilan Ispaniya chempionati, Kubok va Superkubokni qo‘lga kiritdi hamda Chempionlar ligasi yarim finaliga chiqdi.
