«Real» futbol klubi Jahon klublar chempionati yarim finalida «PSJ»ga 0:4 hisobida mag‘lub bo‘ldi. Bu haqida Euro-football.ru xabar berdi.
Madrid klubida Kilian Mbappe jamoaga qaytgandan so‘ng himoyadagi o‘yin zaiflashgani kuzatilmoqda. «Real» tarkibida muammo aniq – hujum tarkibidagi yulduzlar himoyaga yetarlicha e’tibor bermayapti.
Bu holat Mbappe va Vinisiusga ham taalluqlidir. Mag‘lubiyatdan so‘ng Xabi Alonso Mbappe va Vinisius bilan bog‘liq muammolarni ochiqchasiga tilga olmadi, ammo jamoaviy harakatlarning zarurligini ta’kidladi.
Marca nashrining ma’lumotiga ko‘ra, «Real» rahbariyati yulduz futbolchilar bilan uchrashib, ularning niyatlari, maqsadlari va o‘zini berish darajasini muhokama qilmoqchi. Klub ayniqsa Vinisius fikrini bilmoqchi, chunki uning shartnomasi hali yangilanmagan.
Mbappe ham to‘p bo‘lmagan paytdagi faoliyati bilan klubni qoniqtirmagani sababli suhbatlashish rejalashtirilmoqda. «Real» prezidenti Peres Vinisiusning maqomini o‘zgartirdi va bu futbolchining kelajagi jamoa uchun muhimligini ko‘rsatadi.
Jamoa rahbariyati yulduzlarning o‘zaro anglashuvi va jamoaviy ishlashiga katta e’tibor qaratmoqda.
