Rodrigo Al-Nasrga o‘tmaydi, Yevropada qoladi
Hujumchi Rodrigoning transferlar haqida tarqalayotgan mish-mishlardagi qahramonligi davom etmoqda. Bu haqida Euro-football.ru xabar berdi.
Jahon klub chempionatida braziliyalik futbolchi kam maydonga tushdi, bu esa uning “Real”dan ketishiga sabab bo‘lishi mumkin. Rodrigoga maydonda ko‘proq vaqt ajratilishi muhim, chunki u kelasi yozda bo‘lib o‘tadigan jahon chempionatida Braziliya terma jamoasi safida qatnashish imkoniyatini qo‘lga kiritmoqchi.
Oldinroq Rodrigoning “Real” rahbariyati bilan muhim uchrashuvi keyingi haftada bo‘lib o‘tishi haqida ma’lumotlar tarqalgan edi. Mashhur jurnalist Fabrizio Romano qo‘shimcha ma’lumot berib, Rodrigoning Saudiya Arabistonidagi “Al-Nasr” klubiga o‘tmasligini ma’lum qildi.
Avvalroq yulduz futbolchi Krishtianu Ronalduning Rodrigoni hujumda sherigi sifatida ko‘rishni istashi haqida xabarlar chiqqan edi. Biroq 24 yoshli futbolchi faqat Yevropaga qiziqadi va Saudiya Arabistoni variantini muhokama ham qilmayapti.
Transfermarkt portali Rodrigoning bozor qiymatini 90 million yevro deb baholamoqda. Bu raqam uning jahon futbolidagi o‘rni va salohiyatini ko‘rsatadi.
Rodrigoning kelajagi haqida qaror tez orada qabul qilinadi va u o‘z faoliyatini yuqori darajada davom ettirish uchun imkoniyatlarni izlamoqda.
