Ural klubi Rossiya futbol qaroriga norozilik bildirdi
Juma kuni Rossiya futbol uyushmasi ijroiya qo‘mitasi idorasi «Orenburg» klubini yuqori divizionda saqlab qolishga qaror qilgani ma’lum bo‘ldi. Bu haqida Euro-football.ru xabar berdi.
Mazkur qarorga ko‘ra, «Orenburg» klubi «Torpedo» jamoasining o‘rnini egallaydi. «Torpedo» jamoasi kelishilgan o‘yinlarni tashkil etishga uringanligi uchun musobaqadan chetlatilgan edi.
Shu munosabat bilan «Ural» klubi Rossiya futbol uyushmasining qaroriga munosabat bildirdi. Klub o‘zining rasmiy sahifasida jamoa futbolchisining mashg‘ulot paytida charchoqdan yuz ifodasi o‘zgargan suratini e’lon qildi.
«Sizlar jiddiymi?» degan savol bilan «Ural» o‘z noroziligini bildirib o‘tdi. Eslatib o‘tamiz, «Ural» klubi bahor faslida Rossiya premer-ligasiga qaytish uchun kurashgan, biroq pley-off o‘yinlarida «Axmat»ga imkoniyatni boy bergan.
«Orenburg» esa yuqori diviziondan to‘g‘ridan-to‘g‘ri tushib ketgan va 15-o‘rinda yakunlagan edi. Bu voqealar Rossiya futbolida katta o‘zgarishlarga sabab bo‘ldi.
