Madridning "Real" jamoasi bosh murabbiyi Xabi Alonso yangi yulduz futbolchini jamoaga jalb etmoqchi. Bu haqida Euro-football.ru xabar berdi.
Fichajes nashrining xabar berishicha, Alonsoning asosiy maqsadi "Liverpul" klubi yarim himoyachisi Aleksis Makallisterdir. "Qirollar" murabbiyi argentinalik futbolchini maydonning o‘rta chizig‘ini sifatli kuchaytirishga qodir ideal o‘yinchi deb hisoblaydi.
Shu bilan birga, Xabi Alonso Makallister transferi uchun "Real" jamoasi Rodrigo yoki boshqa bir futbolchini sotishi kerakligini yaxshi tushunadi. "Real" Makallister uchun 100 million yevro taklif qilishi mumkin.
Kelishuvlar asosida ushbu summa yanada oshirilishi ehtimoldan xoli emas. Aleksis Makallisterga hozirda 26 yoshda bo‘lib, uning "Liverpul" bilan amaldagi shartnomasi 2028 yil o‘rtalariga qadar mo‘ljallangan.
Ushbu transfer amalga oshsa, jamoaning o‘rta maydonidagi imkoniyatlari sezilarli darajada yaxshilanishi kutilmoqda. Shuningdek, yangi futbolchining jamoaga qo‘shilishi "Real"ning kelgusi mavsumdagi maqsadlariga erishishda muhim omil bo‘ladi.
