General Motors kompaniyasi 2025 yilgi Nyu-York xalqaro avtosalonida (NYIAS) yangi modellar taqdimotini o'tkazmaydi, deb xabar berdi speedme.ru. Bu ketma-ket ikkinchi yilki, konsern NYIAS doirasida premeralardan voz kechmoqda, garchi uning Buick, Chevrolet, GMC va Cadillac brendlari ishtirok etayotgan bo'lsa ham.
Shu bilan birga, GM avtosalonning bir qismi bo'lib qoladi: kompaniya stendlarini namoyish etadi va maxsus trassada Chevy va Cadillac elektromobillarini sinovdan o'tkazish imkoniyatini taqdim etadi. Biroq, hech qanday yangi modellar yoki konseptlar debyuti rejalashtirilmagan.
Kompaniya hozirda boshqa loyihalarga e'tibor qaratmoqda. Ular orasida Ultium platformasidagi yangilangan Chevrolet Bolt EV, 2026 yilda taqdim etilishi kutilayotgan, sport uslubidagi Cadillac Optiq-V, gibrid superkar Corvette Zora va off-road uchun mo'ljallangan Silverado EV ZR2 versiyasi bor.
Premeralardan voz kechish qarori avtoishlab chiqaruvchilarning o'zgaruvchan yondashuvi bilan bog'liq — ko'plab kompaniyalar an'anaviy avtosalonlar o'rniga onlayn taqdimotlar va alohida tadbirlarga ustuvorlik bermoqda.
GM'ning syurprizlarsiz ishtirok etishiga qaramay, Nyu-York avtosaloni 18 apreldan 27 aprelgacha bo'lib o'tadi va unda ikki o'nga yaqin brendlar qatnashadi.
