Volkswagen kompaniyasi 2026-yilgi yangi Tiguan Turbo krossoverini taqdim etdi, deb iXBT.com sayti xabar berdi.
Yangi Tiguan Turbo 2.0 litrli, to‘rt silindrli, kuchli EA888 evo5 turbo dvigatel bilan jihozlangan. U 268 ot kuchi va 350 Nm aylanish momentini taqdim etadi. Bu, oldingi 201 ot kuchi bo‘lgan modeldan 67 ot kuchi kuchliroq. Hatto Golf GTI’dan ham (241 ot kuchi) ustun.
Quvvatni oshirish uchun muhandislar katta turbinani, mustahkam piston va shatunlarni, hamda o‘zgaruvchi klapan ko‘tarish tizimini o‘rnatishgan.
SEL R-Line to‘liq komplektatsiyada Tiguan Turbo 4Motion to‘liq tortish tizimi va 8 bosqichli avtomat uzatmalar qutisi bilan jihozlangan. Rul orqasidagi peddallar orqali qo‘lda o‘zgartirish imkoni bor. Ammo osma va tormoz tizimi o‘zgartirilmagan — bu modelning oilaviy xarakterini saqlab qoladi.
Tashqi ko‘rinishida qora tom, 20 dyuymli g‘ildiraklar va old-orqa yoritilgan logotiplar ajralib turadi. Avtomobil uchta yangi rangda, jumladan Avocado Green Pearl’da taqdim etiladi.
Salonda esa Varenna charm o‘rindiqlari, massaj va ventilyatsiya, 15 dyuymli sensorli ekran, Harman Kardon audio tizimi, Amerika yong‘og‘idan ishlangan bezaklar bor. Shuningdek, uch zonali konditsioner, proektsion displey va orqa o‘rindiqlar isitgichi mavjud.
Savdolar 2025-yil kuzida boshlanishi kutilmoqda. Boshlang‘ich narx — taxminan $48 000 (qariyb 595 million so‘m).
👍 0❤️ 0😂 0😢 0😡 0
