Ijtimoiy tarmoqlarda Qozog‘iston davlatidan bo‘lgan avtomobillar ishtirokidagi video tarqaldi. Bu haqida Upl.uz xabar berdi.
Qo‘shni davlat avtoixlosmandlari O‘zbekistonning madaniy shahri Samarqandda drift qilishdi. Ushbu holat ko‘plab fuqarolarda norozilik uyg‘otdi.
Samarqandliklar mehmonlarning bunday harakatlarini ma’qullamadi. Huquqni muhofaza qiluvchi organlar voqea yuzasidan tekshiruv o‘tkazib, tartib buzganlarni aniqladi va ularga munosib jazo tayinlandi.
Yo‘l harakati qoidalarini buzgan Qozog‘iston fuqarolari Samarqand aholisidan uzr so‘radi. Ular O‘zbekiston qonunchiligini yana bir bor buzmaslikka va’da berdilar.
Samarqandga mehmonlarni taklif qilgan tashkilotchilar esa shaharda drift qilish noqonuniy ekanligi haqida avvaldan ogohlantirish berilganini bildirdi. Bu holat shahar ahlining tinchligi va xavfsizligini ta’minlashda qonunlarga rioya qilish zarurligini yana bir bor eslatdi.
