Toshkentda 12–13 aprel kunlari hashar o‘tkaziladi — har kimdan bir hissa kutilyapti!

Poytaxt hokimligi matbuot xizmati ma’lum qilishicha, 12 va 13 aprel kunlari Toshkentda keng ko‘lamli hashar tashkil etiladi.

Nima qilinadi?
Hashar doirasida:

• ko‘p qavatli uylar atrofi tozalanadi;
  
• jamoat hududlari obodonlashtiriladi;
  
• yangi daraxtlar ekiladi, hovlilar bezatiladi;
  
• yashil maydonlar ko‘paytiriladi.
  

Har bir tumanda tartib va tozalik ta’minlanishi rejalashtirilgan.

Hurmatli toshkentliklar!
“Bu — sevimli shahrimiz obodligi va pokligiga qo‘shgan umumiy hissamizdir”, — deyiladi rasmiy chaqiruvda.

Hasharda ishtirok etish — faqat ixtiyoriy! Bu haqda qonun ham belgilab qo‘ygan:

• Faqat Prezident farmoni yoki Hukumat qarori asosida umumxalq hashari o‘tkazilishi mumkin;
  
• Hech kim majburlab chiqarilmaydi — ish faqat ixtiyoriy;
  
• Mehnat xavfsizligi qoidalariga qat’iy rioya qilinishi shart.
  

Mahallalar o‘z hududida bolalar va sport maydonlarini tartibga keltirish, daraxt ekish va qabristonlarni saqlash ishlarini fuqarolar bilan birga amalga oshiradi.

Eslatib o‘tamiz, oxirgi umumxalq hashari O‘zbekistonda 24–25 avgust kunlari — Mustaqillik bayrami arafasida bo‘lib o‘tgandi.

Siz ham ishtirok etasizmi? Ozgina mehnat — katta farq yaratadi!