Ma’lumki, O‘zbekiston Respublikasi Jinoyat Kodeksining 122-moddasida «Moddiy yordamga muhtoj bo‘lgan voyaga yetmagan yoki mehnatga layoqatsiz shaxsni moddiy ta’minlashdan bo‘yin tovlash, ya’ni ularni moddiy jihatdan ta’minlash uchun sudning hal qiluv qaroriga yoki sud buyrug‘iga binoan undirilishi lozim bo‘lgan mablag‘ni jami bo‘lib ikki oydan ortiq muddat mobaynida to‘lamaslik, shunday qilmish uchun ma’muriy jazo qo‘llanilganidan keyin sodir etilgan bo‘lsa, — ikki yilgacha axloq tuzatish ishlari yoki bir yilgacha ozodlikdan mahrum qilish bilan jazolanadi.» - deb ko‘rsatilgan.
Fuqarolik ishlari bo‘yicha sudning qaroriga asosan qarzdor A.A.dan undiruvchi N.E. foydasiga farzandining moddiy ta’minoti uchun har oylik ish haqi va daromadidan tegishli miqdorda aliment undirish belgilangan bo‘lib, ijro harakatlari davomida bir necha marotaba ogohlantirilishiga qaramasdan bo‘yin tovlab kelgan.
Shuningdek, muqaddam O‘zbekiston Respublikasi MJtKning 47 prim 4-moddasiga asosan 15 sutka ma’muriy qamoq jazosiga tortilgan.
Byuroning Jizzax viloyati boshqarmasi Surishtiruv va ma’muriy amaliyot sho‘basi katta inspektori tomonidan qarzdorga aliment qarzdorliklarini qasddan to‘lamasligining huquqiy oqibatlari tushuntirilib, jinoyat ishiga hujjatlar to‘plash jarayonida 77 138 740 so‘m aliment qarzdorligi farzandning ta’minoti uchun undirilib berildi.
Shoxrux G‘aybullayev
Bosh prokuratura huzuridagi
Majburiy ijro byurosining
boshqarma bosh inspektori
Bosh prokuratura huzuridagi
Majburiy ijro byurosining
boshqarma bosh inspektori
