Mamlakatimizda tadbirkorlikni qo‘llab-quvvatlash, ishbilarmonlarning huquqlari va qonuniy manfaatlarini himoya qilish e’tiborda. Chunki iqtisodiyotimizni izchil va barqaror rivojlantirish, aholining turmush darajasini yuksaltirishda tadbirkorlikning o‘rni beqiyos.
Majburiy ijro byurosining Sirdaryo viloyat boshqarmasi tomonidan tadbirkorlarning huquq va manfaatlarini himoya etish borasida muhim chora-tadbirlar ko‘rib borilmoqda.
Misol uchun, Guliston tumanlararo iqtisodiy sudining ijro varaqalariga asosan, qarzdor “G.Sh.H.”dan undiruvchilar yakka tadbirkor “A.Eshbekov” foydasiga 1,4 mlrd. so‘m, yakka tadbirkor “Sh.Ibroximov” foydasiga 495,3 mln. so‘m, “Golden Windows” xususiy korxonasi foydasiga 272 mln. so‘m hamda “Omadli Zarinabonu” xususiy korxonasi foydasiga 175,2 mln. so‘m qarzdorliklarni undirish to‘g‘risidagi ijro hujjatlari bo‘yicha Byuroning Guliston shahar bo‘limi tomonidan ijro harakatlari olib borilgan.
Majburiy ijro harakatlari natijasida qarzdor tashkilotdan yuqorida qayd etilgan tadbirkorlar foydasiga jami 2 mlrd. 325 mln. so‘m qarzdorliklar to‘liq undirilib, ijro hujjatlarining ijrosi amalda ta’minlangan.
Bu boradagi tadbirlar davom ettirilmoqda.
