Parij Sen-Jermen jamoasi yozgi transferlarda hujumchi Randal Kolo-Muani sotilishi mumkinligini rejalashtirmoqda. Bu haqida Euro-football.ru xabar berdi.
Futbolchi 2024/25 mavsumining ikkinchi yarmida ijarada Turinning Yuventus klubida to‘p surdi. Yuventus Kolo-Muani bilan hamkorlikni davom ettirishga qiziqmoqda, biroq uni sotib olish imkoniyati cheklangan.
Shuningdek, ijara muddatini uzaytirish varianti Parij jamoasini qoniqtirmaydi. Sky Sport xabariga ko‘ra, Parij Sen-Jermen rahbarlari hujumchiga Angliya Premer Ligasi klublaridan takliflar kelishini kutmoqda.
26 yoshli futbolchiga qiziqish bildirganlar orasida Manchester Yunayted ham bor, ammo hozircha aniq muzokaralar olib borilmayapti. Transfermarkt ma’lumotlariga ko‘ra, Kolo-Muanining bozor qiymati 30 million yevroga teng.
2023 yilda Parij klubi uni Frankfurtning Ayntrax klubidan 95 million yevroga sotib olgan.
