30 yoshli darvozabon Pau Lopes Ispaniyaning "Betis" klubi bilan shartnoma imzoladi. Bu haqida Euro-football.ru xabar berdi.
Klubning matbuot xizmati tomonidan ma’lum qilinishicha, bu bitim uch yilga mo‘ljallangan. Lopes ilgari ham "Betis" safida o‘ynagan.
U 2018 yil yozida ushbu jamoaga qo‘shilgan va bir yil o‘tib, 23,5 million yevro evaziga "Roma" klubiga o‘tgan. So‘nggi faoliyatini Meksikaning "Toluka" klubida davom ettirgan.
Shuningdek, u "Tottenhem", "Espanyol", "Marsel", "Roma" va "Jirona" kabi jamoalarda ham to‘p surgan. Lopes Ispaniya milliy terma jamoasi sharafini ikki marotaba himoya qilgan.
"Betis" joriy mavsumda Yevropa Ligasi guruh bosqichida ishtirok etadi. Ushbu shartnoma klub uchun katta ahamiyatga ega bo‘lib, darvozabonning tajribasi jamoaga yordam beradi.
👍 0❤️ 0😂 0😢 0😡 0
