Napoli Bolongadan hujumchini ijaraga olmoqchi
Italiya chempioni “Napoli” joriy mavsumda Italiya Kubogi g‘olibi “Bologna” klubidan futbolchini ijaraga olish taklifini berdi. Bu haqida Euro-football.ru xabar berdi.
Napoli jamoasi shveytsariyalik hujumchi Dan Ndoi bilan qiziqmoqda. Bu haqda jurnalist Matteo Moretto o‘zining ijtimoiy tarmoqlardagi sahifalarida ma’lum qildi.
Uning ma’lumotlariga ko‘ra, Napoli klubi futbolchini ijaraga olish uchun 9 million yevro taklif qilmoqda. Kelajakda esa uni sotib olish uchun 26 million yevro to‘lashga tayyor.
Bundan tashqari, bonus sifatida 5 million yevro ajratiladi. 24 yoshli futbolchi Shveytsariya terma jamoasi a’zosi bo‘lib, “Lozan” klubining tarbiyalanuvchisi hisoblanadi.
O‘tgan mavsumda u klub darajasida 41 ta o‘yin o‘tkazib, 9 ta gol urdi va 8 ta golli uzatma amalga oshirdi. Napoli jamoasi ushbu futbolchining o‘yin uslubi va tajribasidan manfaatdor bo‘lib, uni o‘z tarkibiga qo‘shishni maqsad qilgan.
Ushbu transfer jamoa uchun muhim qo‘shimcha hisoblanadi.
