«Chelsi» jamoasi «RB Leyptsig» yarim himoyachisi Xavi Simons bilan shartnoma imzolash ustida ish olib bormoqda. Bu haqida Euro-football.ru xabar berdi.
Manbalarga ko‘ra, klub va futbolchi o‘rtasida muzokaralarda sezilarli yutuqlar qayd etilgan. 22 yoshli o‘yinchi yangi jamoasiga o‘tishga qiziqish bildirgan.
Tomonlar to‘g‘ridan-to‘g‘ri muzokaralarni davom ettirmoqda, faqat shartnoma bo‘yicha ayrim tafsilotlarni kelishib olish qolmoqda. Hozircha «RB Leyptsig» bilan muzokaralar boshlanmagan, ammo «Chelsi» yaqinda «qizil buqalar»ga aniq taklif bilan murojaat qilishni rejalashtirmoqda.
Transfermarkt portali Xavi Simonsning bozor qiymatini 70 million yevro deb baholaydi. Futbolchining nemis klubidagi amaldagi shartnomasi 2027 yil yozigacha amal qiladi.
«Chelsi» ushbu transferni amalga oshirish uchun faol harakat qilmoqda.
