"Liverpul" jamoasining hujumchisi Darvin Nunyesning jamoani tark etishi deyarli aniq ko‘rinmoqda. Bu haqida Euro-football.ru xabar berdi.
Chorshanba kuni "qizillar" Frankfurtning "Ayntraxt" klubidan hujumchi Ugo Ekitikeni sotib olganini e’lon qildi. Ushbu transfer narxi bonuslar hisobga olinganda 95 million yevrogacha yetishi mumkin.
Bu esa qimmatbaho fransuz futbolchisining kelishi Nunyes uchun jamoada joy topish imkoniyatini deyarli yo‘qqa chiqaradi. Jurnalist Ben Jeykobning ma’lumotlariga ko‘ra, 26 yoshli urugvaylik futbolchi transfer oynasi yopilishidan oldin jamoani tark etishi aniq.
Saudiya Arabistoni chempionati vakillari hali ham unga qiziqish bildirayotgani ma’lum. Avvaliga Darvin Nunyesga eng asosiy da’vogar sifatida "Napoli" klubi ko‘rilgan edi, ammo Italiya jamoasi "Liverpul" tomonidan belgilangan 70 million yevro narx sababli muzokaralardan chiqib ketdi.
Shu bois, Nunyesning yangi jamoasini topishi yaqin kunlarda aniq bo‘lishi kutilmoqda.
