Ispaniyaning «Barselona» klubi prezidenti Joan Laporta Markus Resfordning klubga o‘tishi haqida fikr bildirdi. Bu haqida Euro-football.ru xabar berdi.
U klubga juda yuqori sifatli, ayni yoshda kelgan va katta motivatsiyaga ega bo‘lgan futbolchi kelganidan mamnunligini ta’kidladi. Laporta shaxsan o‘sha futbolchining bu imkoniyatni qo‘lga kiritganidan qanchalik hayajonlanganini ko‘rganini aytdi.
Markus Resfordning eng katta fazilatlaridan biri uning samimiyligi hisoblanadi. U hayotidagi ko‘p yillarini «Manchester Yunayted» klubida o‘tkazishni orzu qilgan, bitta klubda qolishni istagan.
Ammo karyerasida ba’zi qiyinchiliklar yuzaga kelgach, u doim hurmat qilgan va e’tibor bilan qaragan klubga o‘tishga qaror qildi. Hozirgi asosiy maqsadi «Barselona» jamoasi tarkibida Chempionlar Ligasi chempioni bo‘lishdir, deya ma’lum qildi Laporta.
Eslatib o‘tamiz, 27 yoshli «Manchester Yunayted» futbolchisi «Barselona»ga ijaraga asosida qo‘shildi. Uning shartnomasida keyinchalik sotib olish imkoniyati ham ko‘zda tutilgan.
