Al-Nasr jamoasi kapitanı Krishtianu Ronalduning klubi bilan mavsumoldi mashg‘ulotlaridan lavhalarni baham ko‘rdi. Bu haqida Euro-football.ru xabar berdi.
U kelayotgan Saudiya Arabistoni chempionati mavsumida yangi sinovlarga tayyorligini ta’kidladi. 40 yoshli hujumchi ijtimoiy tarmoqdagi sahifasida “Hamma narsa ayni paytda boshlanadi.
Kelajakka qaraymiz. Biz hammamiz ishga tayyormiz”, deb yozdi.
Bu so‘zlar muxlislarning yangi mavsumga bo‘lgan qiziqishini oshirdi. Eslatib o‘tamiz, Saudiya chempionatining yangi mavsumi 2025 yil avgust oyida boshlanadi.
O‘tgan mavsumda Al-Nasr jamoasi chempionatni 70 ochko bilan uchinchi o‘rinda yakunladi. Chempionlikni Al-Ittihod jamoasi qo‘lga kiritdi.
Ronalduning o‘tgan mavsumdagi natijalari juda yuqori bo‘lib, u 41 o‘yinda 35 ta gol urdi va 4 ta golga assistentlik qildi. Uning klub bilan shartnomasi 2027 yil yozigacha amal qiladi.
Transfermarkt ma’lumotlariga ko‘ra, futbolchining bozor qiymati 12 million yevroga teng.
