Isakning Liverpulga o'tish ehtimoli 60 foizga yetdi
Newkasl jamoasining hujumchisi Aleksandr Isak “Liverpul” jamoasiga o'tishi mumkin. Bu haqida Euro-football.ru xabar berdi.
Shvediyalik futbolchi Mersisayddagi klub safini to‘ldirishga qat’iy qaror qilganini “to‘rilar” rahbariyatiga ma’lum qilgan. 25 yoshli o‘yinchi faoliyatini boshqa jamoalarda davom ettirishni ko‘zlamayapti va yaqinda “qizillar” Isak uchun birinchi rasmiy taklifni taqdim etishi kutilmoqda.
Mashhur jurnalist Fabrisio Romano ma’lumotlariga ko‘ra, hozirda Isakning “Liverpul”ga o‘tish ehtimoli 60 foizga teng. Ushbu transfer mavsumi yoz oxirigacha cho‘zilishi ham mumkin.
Transfermarkt sayti ma’lumotlariga ko‘ra, Aleksandr Isakning bozor qiymati 120 million yevroni tashkil etadi. Aytishlaricha, “Liverpul” ingliz Premer Ligasi tarixida rekord miqdorda to‘lov qilishga tayyor.
Bu transfer jamoaning hujum chizig‘ini sezilarli darajada kuchaytirishi kutilmoqda. Klub va futbolchi o‘rtasida kelishuv yuzaga kelgach, rasmiy e’lon beriladi.
Shuningdek, yozgi transferlar davrida yana boshqa futbolchilar bilan ham muzokaralar olib borilishi ehtimoldan holi emas.
