Yuventus Kolo-Muanini to‘liq xarid qilishga harakat qilmoqda
"Yuventus" klubi hali ham hujumchi Randal Kolo-Muanini o‘z saflarida saqlab qolishga umid qilmoqda. Bu haqida Euro-football.ru xabar berdi.
Kolo-Muani hozirda Fransiyaning "PSJ" jamoasiga tegishli. Parij klubi futbolchini sotuvga qo‘ygan, biroq uni yana "Yuventus"ga ijaraga berishni xohlamayapti.
Sababi, turinliklar futbolchini to‘liq xarid qilib olish o‘rniga, avval ijaraga olib, keyin sotib olish imkoniyatini so‘ramoqda. Ma’lumotlarga ko‘ra, "Yuventus" uchun Kolo-Muani asosiy maqsadlardan biri bo‘lib qolmoqda.
Klub rahbariyati fransuz jamoasini ishontirish va futbolchini to‘liq sotib olish uchun rasmiy taklif tayyorlamoqda. Kolo-Muanining o‘zi ham faoliyatini Turinda davom ettirish istagini ochiq bildirgan.
26 yoshli hujumchi joriy yilning yanvar oyidan beri "Yuventus" safida 22 o‘yinda ishtirok etib, 10 ta gol urishga erishgan. Transfermarkt portali ma’lumotiga ko‘ra, futbolchining narxi 30 million yevroga baholanmoqda.
"Yuventus" ushbu transferni amalga oshirish uchun barcha imkoniyatlarni ishga solmoqda. Klub muxlislari ham Kolo-Muanining jamoada qolishini istamoqda.
Hozircha muzokaralar davom etmoqda.
