Londonning “Chelsi” klubi tez orada “RB Leyptsig” jamoasining hujumkor yarim himoyachisi Xavi Simonsni o‘z tarkibiga qo‘shib olishi kutilmoqda. Bu haqida Euro-football.ru xabar berdi.
Niderlandiyalik futbolchi “Chelsi” bilan uzoq muddatli shartnoma tuzishga kelishib olgan. Bu haqda bir necha kun avval xabar berilgan edi.
Yangi ma’lumotlarga ko‘ra, ikki klub o‘rtasidagi muzokaralar ham yakunlanish arafasida. Hozirda tomonlar faqat bitimning so‘nggi tafsilotlarini muhokama qilmoqda.
Ma’lum qilinishicha, London klubining bosh murabbiyi Enso Mareska ushbu transfer jarayonida muhim rol o‘ynagan. Mutaxassislar Xavi Simonsning bozor qiymatini 70 million yevroga baholashmoqda.
O‘tgan mavsumda 22 yoshli futbolchi “RB Leyptsig” safida 33 o‘yinda maydonga tushib, 11 ta gol urdi va 8 ta golga assistentlik qildi. Shu tariqa, Simons o‘zini yuqori saviyadagi futbolchi sifatida ko‘rsatdi va “Chelsi” jamoasi uchun muhim transfer bo‘lishi kutilmoqda.
