Chelsi futbol klubi Manchester Yunayted jamoasining yosh hujumchisi Alejandro Garnachoni ma’lum shartlar asosida o‘z safiga qo‘shishi mumkin. Bu haqida Euro-football.ru xabar berdi.
London klubi hozirda RB Leyptsig futbolchisi Xavi Simonsni transfer qilishni yakunlash arafasida turibdi. Shuningdek, avgust oyida Garnacho bo‘yicha muzokaralarni boshlashi ehtimoli bor.
Mashhur futbol insayderi Fabrizio Romano ma’lumotiga ko‘ra, Chelsi avvalo argentinalik futbolchini sotib olishdan oldin Kristofe Nkunku va Rahim Sterling bilan xayrlashishi kerak bo‘ladi. Bundan tashqari, poytaxt klubi Manchester Yunayted tomonidan 21 yoshli futbolchi uchun qo‘yilgan talablarni ham qondirishga tayyor emas.
Chunki Garnachoni hozirda klub bosh murabbiyi Ruben Amorim asosiy tarkibga kiritishni rejalashtirmayapti. Boshqa manbalarga ko‘ra, Chelsi Alejandro Garnacho uchun 35 million yevrodan ko‘p mablag‘ to‘lash niyatida emas.
Shu bois, ushbu transfer bo‘yicha muzokaralar davom etmoqda. Yaqin kunlarda bu borada aniq qaror qabul qilinishi kutilmoqda.
