"Liverpul" klubi hujumchi qanot o‘yinchisi Luis Dias tez orada "Bavariya" safiga qo‘shilishi kutilmoqda. Bu haqida Euro-football.ru xabar berdi.
Klublar futbolchining transferi bo‘yicha kelishuvga erishdi. Ma’lumotlarga ko‘ra, "Liverpul" 28 yoshli kolumbiyalik futbolchi uchun taxminan 75 million yevro oladi.
Dias allaqachon Myunxenga yetib kelgan va transfer jarayonini yakunlash uchun zarur ishlarni bajarmoqda. Jurnalist Ben Jeykobs bergan xabarga ko‘ra, "Liverpul" dastlab Diasni sotishni rejalashtirmagan edi.
Biroq futbolchining o‘zi "Bavariya"ga o‘tishni istaganini bildirgach, klub rahbariyati uning iltimosini inobatga oldi va yangi chaqiriq uchun unga ruxsat berdi. Luis Dias "Liverpul" tarkibida 148 o‘yinda maydonga tushib, 41 gol urgan va 23 golga uzatma bergan.
Eslatib o‘tamiz, u 2022 yil yanvar oyida "Portu" klubidan "Liverpul"ga 49 million yevro evaziga kelib qo‘shilgan edi. Shu tariqa, Diasning faoliyati Germaniyada davom etadi va u "Bavariya" safida yangi marralarni zabt etishga harakat qiladi.
