Lovchev: CSKA va Lokomotiv o‘yini penaltilarga yetishi mumkin

Futbol bo‘yicha ekspert Evgeniy Lovchev Rossiya Kubogi doirasida bo‘lib o‘tadigan CSKA va Lokomotiv jamoalari o‘rtasidagi uchrashuvdan kutayotgan natijalari haqida o‘z fikrlarini bildirdi. Bu haqida Euro-football.ru xabar berdi.

Ekspertning ta’kidlashicha, CSKA va Lokomotiv deyarli teng kuchga ega bo‘lgan, prinsipial raqiblar hisoblanadi. Ularning o‘yinlari har doim qiziqarli va murosasiz o‘tadi.

Lovchevning so‘zlariga ko‘ra, bu safargi bahsda ham natija qanday bo‘lishini oldindan aytish qiyin, hatto uchrashuv penaltilar seriyasiga ham yetib borishi mumkin. Ekspert yana shuni qayd etdi-ki, Lokomotiv jamoasining o‘yini mukammal emas, garchi ular turnir jadvalida yetakchilik qilayotgan bo‘lsa ham.

Uning fikricha, bosh murabbiy Mixail Galaktionov boshchiligidagi jamoa so‘nggi o‘yinda Sochi jamoasiga qarshi maydonda qiyinchiliklarga duch keldi. Mazkur o‘yin 30 iyul kuni CSKA jamoasining o‘z maydonida bo‘lib o‘tadi.

Uchrashuv boshlanishi Moskva vaqti bilan soat 18:30 ga belgilangan. Mutaxassis ushbu bahs futbol muxlislari uchun qiziqarli va murosasiz o‘tishini ta’kidladi.