"Sochi" futbol klubi yarim himoyachi Maksim Muxinni o‘z tarkibiga qo‘shib olganini e’lon qildi. Bu haqida Euro-football.ru xabar berdi.
Klub 23 yoshli futbolchini Moskvaning CSKA jamoasidan 2025/2026 yilgi mavsum oxirigacha ijaraga oldi. Maksim Muxin Sochi safida 16-raqam ostida maydonga tushadi.
Maksim Muxin "Sochi"ga kelishidan oldin to‘rt yil davomida CSKA jamoasida o‘ynagan. Bu davr mobaynida u 70 ta rasmiy uchrashuvda ishtirok etib, uchta gol urgan va jamoadoshlariga to‘rt marotaba golli pas uzatgan.
Ayni paytda "Sochi" jamoasi Premer-liga turnir jadvalida ikki turdan so‘ng oxirgi o‘rinda bormoqda. Jamoa bosh murabbiyi Robert Moreno qo‘l ostida "Lokomotiv"ga 0:3 va "Akron"ga 0:4 hisobida mag‘lub bo‘ldi.
"Sochi" navbatdagi uchrashuvini 4 avgust kuni safarda "Rubin"ga qarshi o‘tkazadi.
