Al-Nasr klubi yana bir mashhur portugaliyalik futbolchini tarkibga qo‘shishni rejalashtirmoqda. Bu haqida Euro-football.ru xabar berdi.
Yaqinda ushbu jamoa Joau Felishni o‘z safiga qo‘shib oldi. OAV xabariga ko‘ra, hujumchini klubga kelishga shaxsan Krishtianu Ronaldu ko‘ndirdi.
Jurnalist Nikolo Skira ma’lumotiga ko‘ra, hozirda Er-Riyod jamoasining 40 yoshli sardori Bruno Fernandeshni ham klubga kelishga undamoqda. Klub bosh murabbiyi Jorge Jezush ham uning transferini istamoqda.
Biroq boshqa manbalar ma’lumotiga ko‘ra, Manchester Yunayted sardori Saudiya Arabistoniga o‘tishdan bosh tortgan. Ehtimol, “qizil iblislar” sardorini hatto hamyurtlarining iltimoslari ham fikridan qaytara olmasligi mumkin.
Bruno Fernandesh sentabr oyida 31 yoshga to‘ladi. U Manchester Yunayted safida besh yarim yildan beri to‘p surib kelmoqda.
