Madridning “Real” klubi himoyachisi David Alaba kelasi mavsum Turkiyaga ko‘chib o‘tishi mumkin. Bu haqida Euro-football.ru xabar berdi.
Turkiyaning mashhur “Fenerbahche” jamoasi tajribali avstriyalik futbolchini o‘z tarkibiga qo‘shib olishga qiziqish bildirmoqda. Klub rahbariyati futbolchini transfer qilish bo‘yicha “Real” bilan muzokara olib bormoqda.
“Fenerbahche” bosh murabbiyi Joze Mourino ham Alabaning xizmatidan foydalanishga shaxsan qiziqmoqda. Shunga qaramay, David Alaba hozircha Istanbul klubiga o‘tishga tayyor emas.
Futbolchi “Real” safida yana bir mavsum qolishni ma’qul ko‘rmoqda. Uning “Real” bilan amaldagi shartnomasi kelasi yilning o‘rtalariga qadar mo‘ljallangan.
33 yoshli himoyachining transfer qiymati hozirda olti million yevro atrofida baholanmoqda. Alabaning kelajagi borasida yakuniy qaror hali qabul qilinmagan.
Hozircha futbolchi o‘z faoliyatini Madrid klubida davom ettirish niyatida. Shu bilan birga, “Fenerbahche” rahbariyati muzokaralarni davom ettirishni rejalashtirmoqda.
Bu borada yaqin kunlarda yangi ma’lumotlar paydo bo‘lishi mumkin.
