Portugaliyalik yarim himoyachi Jedson Fernandes Moskvaning Spartak jamoasi safida Rossiya oliy ligasining uchinchi turida Akron jamoasiga qarshi o‘yinda debyut qiladi. Bu haqida Euro-football.ru xabar berdi.
26 yoshli futbolchi bugungi uchrashuvda Spartakning asosiy tarkibidan o‘rin oldi. Poytaxt jamoasining matbuot xizmati bugungi uchrashuvda ishtirok etishi mumkin bo‘lgan futbolchilar ro‘yxatini e’lon qildi.
Spartakning asosiy tarkibi quyidagicha: darvozabon Maksimenko, himoyachilar Xlusevich, Duarte, Litvinov, Ryabchuk, yarim himoyachilar Umyarov, Martins, Barco, Jedson, hujumchilar Ugalde va Garsiya. Zaxira o‘rindig‘ida esa quyidagi futbolchilar joy olgan: darvozabonlar Pomazun va Dovbnya, shuningdek Babich, Guziev, Denisov, Zobnin, Prutsev, Zorin, Dmitriev, Solari va Massalyga.
Akron va Spartak o‘rtasidagi uchrashuv boshlanishi Toshkent vaqti bilan soat 15:30 ga mo‘ljallangan. Barcha voqealarni matnli tarzda LiveResult portalida kuzatib borishingiz mumkin.
