PSJ klubi hujumchisi Randal Kolo-Muanini sotish narxi ma’lum bo‘ldi. Bu haqida Euro-football.ru xabar berdi.
Parij jamoasi ushbu futbolchini sotish uchun 60 million yevro talab qilmoqda. O‘tgan mavsumning ikkinchi yarmida 26 yoshli futbolchi “Yuventus” tarkibida ijarada o‘ynadi.
Turin klubi fransiyalik hujumchini o‘zida olib qolishni istamoqda, biroq hozircha PSJning talabiga javob bera olmayapti. Sky Sport’ning xabariga ko‘ra, PSJ rahbariyati Kolo-Muanini sotishga yoki majburiy sotib olish sharti bilan yana ijaraga berishga tayyor.
Rasmiy ma’lumotlarga ko‘ra, futbolchiga Angliyaning “Manchester Yunayted” va “Tottenhem” klublari ham qiziqish bildirgan. Kolo-Muani esa intervyularidan birida “Yuventus”da qolishni xohlashini ta’kidlagan.
Hozircha muzokaralar davom etmoqda. Kolo-Muanining qaysi klubda faoliyatini davom ettirishi yaqin kunlarda aniq bo‘lishi kutilmoqda.
Bu transfer bozoridagi eng muhim voqealardan biri bo‘lib turibdi.
