Tedeev: Jedson Fernandes "Spartak" uchun yaxshi transfer

"Akron" jamoasining bosh murabbiyi Zaur Tedeev "Spartak" klubi yarim himoyachisi Jedson Fernandesning maydonga tushishiga jamoa qanday tayyorgarlik ko‘rganiga oid savolga javob berdi. Bu haqida Euro-football.ru xabar berdi.

Uning so‘zlariga ko‘ra, murabbiylar Jedson Fernandesning avvalgi jamoasidagi o‘yinlarini tahlil qilgan. Tedeev Fernandes kuchli futbolchi ekanini ta’kidlab, unga Rossiya chempionatiga moslashish uchun vaqt kerakligini aytdi.

Shuningdek, u Fernandes "Spartak" uchun yaxshi xarid bo‘lganini ta’kidladi. Ma’lumot uchun, 3 avgust kuni Rossiya chempionati uchinchi turida "Akron" va "Spartak" jamoalari o‘rtasidagi uchrashuv 1:1 hisobida yakunlandi.

"Spartak"ning portugaliyalik yangi futbolchisi Jedson Fernandes uchrashuvni asosiy tarkibda boshladi, biroq tanaffusda zaxiraga olindi. Ta’kidlash kerakki, Jedson Fernandes "Spartak" tarixidagi eng qimmat transfer hisoblanadi.

Uning transferi 20,8 million yevroga baholangan. Bu klub uchun muhim natija va yirik moliyaviy xarajat bo‘ldi.

"Spartak" rahbariyati ushbu futbolchidan yuqori natijalar kutmoqda.