Masalitin Zobninning “Spartak”dan ketishi haqidagi gaplarga izoh berdi

Sobiq “Spartak” futbolchisi Valeriy Masalitin jamoa sardori Roman Zobninning shartnomasini uzaytirish kerakmi, degan savolga o‘z fikrini bildirdi. Bu haqida Euro-football.ru xabar berdi.

Avvalroq Zobninning “Spartak”ni erkin agent sifatida tark etishi mumkinligi haqida xabarlar tarqalgan edi. Masalitin bu borada quyidagi fikrlarni aytdi: “Bunday savollarga javob berish uchun jamoa ichida yashash kerak.

Balki bir necha turdan so‘ng bosh murabbiy Stankovich iste’foga chiqarilar, Zobnin esa asosiy tarkib futbolchisiga aylanishi mumkin. Hozircha futbolchining amaldagi shartnomasi bor ekan, uni oxirigacha bajarish lozim”, – deydi u.

Ma’lumot uchun, 31 yoshli tajribali futbolchi joriy mavsumda barcha musobaqalarda uchta o‘yinda maydonga tushdi, biroq gol yoki golli uzatma bilan ajralib chiqa olmadi. Zobninning “Spartak” bilan tuzgan mehnat shartnomasi 2026 yil yozigacha amal qiladi.