“Tottenhem” Mitrovich transferi uchun muzokara olib bormoqda
Saudiya Arabistonining “Al-Hilol” jamoasida to‘p surayotgan hujumchi Aleksandar Mitrovich Angliyaning “Tottenhem” klubiga o‘tishi mumkin. Bu haqida Euro-football.ru xabar berdi.
Bu haqda jurnalist Sebastyan Vidal ma’lumot berdi. Manbaga ko‘ra, “Al-Hilol” klubi 30 yoshli serbiyalik futbolchini taxminan 35 million yevro evaziga “Tottenhem”ga sotishga tayyor.
Biroq, Mitrovichning yillik maoshi deyarli 25 million yevroni tashkil qilgani londonliklar uchun asosiy to‘siq bo‘lib qolmoqda. O‘tgan mavsumda Mitrovich barcha musobaqalarda jami 36 o‘yinda maydonga tushib, 28 ta gol urgan va yetti bor hamkorlariga golli uzatma bergan.
Transfermarkt portali ma’lumotiga ko‘ra, futbolchining bozor bahosi hozirda 18 million yevroga teng. Mitrovich o‘zining tajribasi va samarador o‘yinlari bilan Yevropa klublari e’tiborini tortmoqda.
Uning “Tottenhem”ga o‘tishi klub hujum chizig‘ini kuchaytirishi mumkin, biroq transfer amalga oshishi uchun moliyaviy masalalar hal qilinishi zarur. Shu sababli, muzokaralar davom etmoqda.
