“Marsel” Grinvudni sotish uchun yuqori narx so‘ramoqda
Hujumchi Meyson Grinvud nomi matbuotda yana “Al-Nasr” klubi bilan bog‘lanmoqda. Bu haqida Euro-football.ru xabar berdi.
Biroq, Fransiyaning “Marsel” klubi Grinvud bilan xayrlashish niyatida emas. Klub futbolchini sotish uchun juda yuqori narx belgilagan.
“Al-Nasr” ushbu futbolchini qo‘lga kiritish uchun kamida 85 million funt sterling, ya’ni taxminan 97,6 million yevro to‘lashi kerak bo‘ladi. Bu haqda xorijiy sport nashrlari xabar bermoqda.
“Marsel” klubining bunday narx belgilashiga sabab bor. Agar Grinvud sotilsa, kelishuvga ko‘ra, kelasi transferdan tushadigan mablag‘ning yarmi, ya’ni 50 foizi Angliyaning “Manchester Yunayted” klubiga beriladi.
Shu bois, “Marsel” futbolchini arzon sotishni istamayapti. Meyson Grinvud hozirda 23 yoshda.
U “Marsel” tarkibida 36 rasmiy o‘yinda maydonga tushib, 22 ta gol urgan va 6 marta jamoadoshlariga golli pas bergan. Shuningdek, matbuotda “Al-Nasr” hujumchisi Krishtianu Ronaldu klubga yana bir mashhur hujumchini olib kelmoqchi ekani haqida ham xabarlar tarqalmoqda.
