«Manchester Yunayted» futbolchisi Jeydon Sancho nomzodi «Inter» jamoasi uchun tobora dolzarb bo‘lib bormoqda. Bu haqida Euro-football.ru xabar berdi.
25 yoshli qanot hujumchisi avvalroq «neradzurri» uchun ko‘plab variantlardan biri sifatida ko‘rilgan, biroq asosiy nomzod hisoblanmas edi. So‘nggi kunlarda vaziyat o‘zgargan.
«La Gazzetta dello Sport» nashri ma’lumotiga ko‘ra, hozirda Sancho bozoridagi eng muhim alternativalardan biri sifatida qayd etilmoqda. U ayniqsa Ademola Lukmanga muqobil sifatida ko‘rilmoqda.
Milan klubi rahbariyati ingliz futbolchisining texnik mahoratini yuqori baholamoqda. Bundan tashqari, Sancho jamoaning yoshartirish strategiyasiga ham mos keladi.
Transfermarkt portali ma’lumotiga ko‘ra, Jeydon Sanchoning transfer qiymati 28 million yevroga teng. Biroq, «Manchester Yunayted» rahbariyati futbolchini taxminan 25 million yevroga sotishga tayyor.
Shu sababli, Sancho kelasi mavsumda «Inter» safida to‘p surish ehtimoli yuqori baholanmoqda. Hozircha muzokaralar davom etmoqda va tomonlar kelishuvga erishishga harakat qilmoqda.
