Prudnikov: Cherchesov “Axmat” uchun to‘g‘ri tanlov bo‘ldi
Sobiq rossiyalik hujumchi Aleksandr Prudnikov Grozniy shahri futbol jamoasi “Axmat” bosh murabbiyligiga Stanislav Cherchesovning qaytishi haqida o‘z fikrini bildirdi. Bu haqida Euro-football.ru xabar berdi.
Uning so‘zlariga ko‘ra, Cherchesov ilgari ham ushbu jamoada ishlagan, hudud va klub bilan yaxshi tanish. Shuningdek, “Axmat” rahbariyati ham uning ish faoliyatidan yaxshi xabardor.
Shuning uchun Prudnikov ushbu tayinlovni jamoa uchun ijobiy deb hisoblaydi. U Cherchesov jamoaning o‘yinini tartibga solib, natijaga erisha olishini ta’kidladi.
Eslatib o‘tamiz, Stanislav Cherchesovning “Axmat”ga qaytgani haqida klub rasmiy ravishda o‘tgan chorshanba kuni, 6-avgustda e’lon qilgan edi. So‘nggi oylar davomida Cherchesov Qozog‘iston terma jamoasidan bo‘shatilganidan keyin ish o‘rniga ega emas edi.
Shu vaqt ichida “Axmat” Rossiya futboli yangi mavsumida o‘tkazilgan to‘rt uchrashuvning barchasida mag‘lub bo‘ldi. Klub rahbariyati yangi bosh murabbiydan jamoani tartibga keltirish va natija ko‘rsatishni kutmoqda.
Cherchesov oldingi tajribasi va bilimi bilan jamoaga yordam bera olishi mumkin.
