Job Bellingem “Borussiya”da 7-raqam ostida o‘ynaydi
“Real” klubi yarim himoyachisi Jud Bellingemning ukasi Job Bellingem Germaniyaning Dortmund shahri jamoasi “Borussiya”ga o‘tib, yangi klubida 7-raqam ostida harakat qiladi. Bu haqida Euro-football.ru xabar berdi.
Bu haqda “Borussiya”ning rasmiy ijtimoiy tarmoq sahifalarida ma’lum qilindi. Ma’lumot uchun, Job Bellingem shu yil yoz faslida “Borussiya” futbolchisiga aylandi.
U bunga qadar Angliyaning “Sanderlend” jamoasida to‘p surgan. O‘tgan mavsumda Job “Sanderlend” tarkibida maydonga tushib, jamoaning Angliya futboli tizimidagi yuqori divizionga qaytishiga o‘z hissasini qo‘shgan.
Uning transferi taxminan 31 million yevroga baholangan. Eslatib o‘tamiz, Jobning akasi Jud Bellingem ham avvalroq “Borussiya”da to‘p surgan va keyinchalik Ispaniyaning “Real” klubi safiga qo‘shilgan.
Shu tariqa, Bellingemlar oilasi ikki farzandi bilan yirik Yevropa klublarida faoliyat olib bormoqda.
