Sanderlend himoyachi Masuakuni ikki yilga tarkibga qo‘shdi

Angliyaning Premer-ligasida yangi ishtirokchi bo‘lgan “Sanderlend” klubi yana bir futbolchini o‘z safiga qo‘shdi. Bu haqida Euro-football.ru xabar berdi.

Klub rasmiy saytida xabar qilinishicha, himoyachi Artur Masuaku jamoaga kelib qo‘shildi. U bungacha Turkiyaning “Beshiktosh” jamoasida to‘p surgan.

31 yoshli himoyachi “Sanderlend” bilan ikki yillik shartnoma imzoladi. U klubga erkin agent sifatida kelib qo‘shildi.

Shu tariqa, Masuaku joriy yozgi transfer mavsumida “Sanderlend” tarkibiga qo‘shilgan o‘ninchi futbolchi bo‘ldi. O‘tgan mavsumda Artur Masuaku “Beshiktosh” safida 47 o‘yin o‘tkazdi.

U bir bor gol urdi va o‘nta golli pas berdi. Transfermarkt portali ma’lumotiga ko‘ra, futbolchining bozor qiymati 3 million yevroga teng.

Angliya chempionatining yangi mavsumi 15-avgust kuni boshlanishi rejalashtirilgan. “Sanderlend” yangi futbolchilar bilan yangi mavsumga tayyorgarlikni davom ettirmoqda.

Klub rahbariyati va murabbiylar shtabi jamoani kuchaytirish maqsadida faol ish olib bormoqda. Yangi transferlardan muxlislar ham katta natijalar kutmoqda.