Mostovoy: Spartak muammosi murabbiy almashishida emas

Sobiq mashhur futbolchi Aleksandr Mostovoy “Spartak” jamoasidagi bosh murabbiy atrofidagi vaziyat haqida o‘z fikrini bildirdi. Bu haqida Euro-football.ru xabar berdi.

Jamoa mavsumni muvaffaqiyatsiz boshladi va bosh murabbiy Deyan Stankovich lavozimidan ozod etilishi mumkinligi haqida gaplar paydo bo‘ldi. Aleksandr Mostovoyning aytishicha, “Spartak”da murabbiylar tez-tez almashmoqda va bu holat jamoaga foyda keltirmayotgani aniq.

U o‘z fikrida, kim bosh murabbiy etib tayinlanishidan qat’i nazar, muammolar hal bo‘lmasligini ta’kidladi. Mostovoyning so‘zlariga ko‘ra, keyingi murabbiy ham avvalgilar kabi qisqa vaqt ishlaydi va ketadi.

U jamoada murabbiylar almashinuvi ko‘payib ketgani, bu esa natijalarga ijobiy ta’sir qilmayotganini qayd etdi. Shuningdek, Mostovoy yana bir bor futbol maydoniga futbolchilar chiqishini, natijani asosan ular hal qilishini eslatib o‘tdi.

Unga ko‘ra, murabbiylar o‘z vazifasini bajarsa-da, o‘yinda asosiy rol futbolchilarga tegishli. Ma’lumot uchun, “Spartak” joriy hafta “Lokomotiv” klubiga 2:4 hisobida mag‘lub bo‘ldi va bu natija jamoa muxlislarini ranjitdi.

Hozirda “qizil-oq”lar Premyer-liga turnir jadvalida 11-o‘rinda bormoqda. Keyingi turda Deyan Stankovich jamoasi “Zenit”ga qarshi bahs olib boradi.