Mashhur sobiq futbolchi Andrey Kanchelskis “Spartak” jamoasining yangi mavsumdagi omadsiz boshlanishi haqida fikr bildirdi. Bu haqida Euro-football.ru xabar berdi.
Unga ko‘ra, Rossiya Premyer-ligasining to‘rt uchrashuvida “Spartak” atigi to‘rt ochko jamg‘ara oldi. Jamoa bir marta g‘alaba qozondi, bir marta durang o‘ynadi va ikki marta mag‘lubiyatga uchradi.
Kanchelskisning ta’kidlashicha, “Spartak”ning qoniqarsiz natijalari uchun klub rahbari mas’ul bo‘lishi kerak. Uning so‘zlariga ko‘ra, ilgari klubda rahbar kimligi aniq edi va barcha savollar to‘g‘ridan-to‘g‘ri unga berilardi.
Hozir esa “Spartak” rahbari kim ekani aniq emas. Kanchelskisning fikricha, klubdagi hozirgi vaziyat uchun kim javobgar ekani noma’lumligicha qolmoqda.
U rahbar klub muxlislaridan klubda yuz berayotgan voqealar uchun uzr so‘rashi lozimligini ta’kidladi. Ma’lumot uchun, 2022 yil avgust oyida Leonid Fedun “Spartak” boshqaruvidan chiqib ketgan.
O‘sha vaqtda u klubdagi barcha aksiyalarini “Lukoyl” kompaniyasiga topshirgan. Shu sababli, klubda rahbarlik masalasi ochiq qolmoqda va bu, sobiq futbolchining fikricha, natijalarga ham ta’sir ko‘rsatmoqda.
