«Yuventus» klubi hali ham «Manchester Yunayted» futbolchisi Jeydon Sancho bilan shartnoma imzolash niyatidan voz kechgani yo‘q. Bu haqida Euro-football.ru xabar berdi.
Biroq hozircha ushbu transferni amalga oshirish imkoniyati mavjud emas. Klub futbolchini o‘z safiga qo‘shib olish uchun avvalo boshqa bir o‘yinchini sotishi zarur.
Xususan, «Yuventus» rahbariyati yoz oyida Jeydon Sancho bilan kelishuvga erishgan edi. Ammo transferni yakunlash uchun klub birinchi navbatda Nikolas Gonsalesni sotib yuborishi kerak.
Chunki aynan u Sancho uchun bo‘shatib berilishi rejalashtirilgan o‘rinni egallab turibdi. Agar Nikolas Gonsales klubni tark etmasa, Jeydon Sanchoning «Yuventus»ga o‘tishi amalga oshmasligi mumkin.
Ma’lumotlarga ko‘ra, «Manchester Yunayted» Jeydon Sanchoning narxini 20-25 million yevro atrofida belgilagan. Shuningdek, yaqinda futbolchi bilan boshqa bir italiyalik klub – «Roma» ham qiziqib, uning holati haqida ma’lumot so‘ragan.
Shu bois, Jeydon Sanchoning qaysi klubga o‘tishi hozircha aniq emas.
