"Liverpul" futbol klubi Paromaning markaziy himoyachisi Jovanni Leoni transferi ustida ish olib bormoqda. Bu haqida Euro-football.ru xabar berdi.
Mavjud ma'lumotlarga ko‘ra, ingliz klubi 18 yoshli futbolchi bilan shartnoma tuzish bo‘yicha kelishuvga erishgan. Jovanni Leonining shartnomasi 2031 yilgacha mo‘ljallangan.
Bu haqda futbol bo‘yicha mutaxassis Nikolo Skira xabar berdi. "Liverpul" yosh va istiqbolli futbolchini o‘z safiga qo‘shib olish uchun "Parma" klubiga 35 million yevro miqdorida taklif bergan.
Transfermarkt portali mutaxassislarining baholashicha, Jovanni Leonining transfer qiymati hozirda 18 million yevroga teng. O‘tgan mavsumda yosh futbolchi Italiya chempionatining oliy ligasida 17 ta o‘yinda maydonga tushdi va bir marotaba gol urishga muvaffaq bo‘ldi.
Shu bilan birga, Leoni o‘zining birinchi tajribasini yuqori darajadagi futbol o‘yinlarida orttirdi. "Liverpul" Jovanni Leonini qo‘lga kiritish borasida "Inter" va "Yuventus" kabi kuchli klublarni ortda qoldirdi.
Klub rahbariyati yosh futbolchidan katta umid qilmoqda. Agar transfer amalga oshsa, Leoni "Liverpul"ning asosiy tarkibidan o‘rin olish uchun harakat qiladi.
Mazkur kelishuv yosh futbolchining kelajagi uchun muhim bosqich bo‘ladi.
