Moskvaning “Spartak” jamoasining sobiq futbolchisi Valeriy Kechinov Matvey Safonovning Parijning “PSJ” klubidagi holati haqida o‘z fikrini bildirdi. Bu haqida Euro-football.ru xabar berdi.
Unga ko‘ra, jamoaning asosiy darvozaboni Janluiji Donnarumma tarkibdan ketishi mumkinligi haqidagi xabarlar fonida Safonov uchun yangi imkoniyatlar paydo bo‘lmoqda. Valeriy Kechinovning ta’kidlashicha, agar Donnarumma jamoani tark etsa va murabbiy Safonovga ishonch bildira olsa, u “PSJ”ning asosiy darvozaboni bo‘lishi uchun yaxshi imkoniyatga ega.
Shuningdek, mutaxassisning so‘zlariga ko‘ra, Safonovning “PSJ”dan ketishi haqidagi gap-so‘zlar ortiq dolzarb emas. Rossiyalik darvozabon Matvey Safonov 2024 yil yozida “Krasnodar” klubidan “PSJ”ga o‘tgan.
Uning transfer narxi 20 million yevroni tashkil qilgan. 26 yoshli darvozabonning Frantsiya chempioni bilan tuzgan amaldagi shartnomasi 2029 yil iyun oyining oxirigacha davom etadi.
Avvalroq, Safonovga Istanbulning “Galatasaray” klubi ham qiziqish bildirayotgani haqida xabarlar tarqalgan edi. Hozircha Safonov “PSJ” safida o‘z o‘rnini mustahkamlash uchun harakat qilmoqda.
